Сакаш ли да бидеш гласот што ќе ја скрши тишината за онлајн насилството врз жените? Сакаш ли да стекнеш напредни вештини за сајбер безбедност и да станеш лидерка во твојата заедница?
Women4Cyber North Macedonia објавува отворен повик за селекција на 5 Млади амбасадорки за дигитална безбедност во рамките на проектот „Women’s Digital Risk Map and Youth Cyber Ambassadors for Safe Digital Democracy“, поддржан со проект преку грантовата шема Digital Spark, дел од проектот Regional Support Mechanism EECA, имплементиран од Фондацијата Метаморфозис во партнерство со Tехсуп, а како дел од поголемата иницијатива на CIVICUS – Digital Democracy Initiative).
Која е улогата на Младите амбасадорки?
Како дел од оваа пионерска иницијатива во Северна Македонија, избраните 5 амбасадорки ќе поминат низ интензивен процес на менторство и едукација, со цел да станат клучни дигитални бранители на своите врснички. Нивната мисија ќе биде да помогнат во градењето на првата „Дигитална мапа на ризици за жени“ и да го промовираат градењето на безбедна дигитална демократија.
Што вклучува програмата?
- Фаза 1: Специјализирана обука – Учество на 2–3 интензивни обуки (онлајн и хибридни) каде ќе стекнете вештини за дигитална хигиена, препознавање и заштита од онлајн родово засновано насилство и дигитална приватност. Ќе добиете практични прирачници и материјали.
- Фаза 2: Врсничка едукација и теренски активности – Под менторство на Проектниот координатор и тимот, секоја амбасадорка ќе организира и спроведе 5 мали врснички сесии (онлајн или офлајн) во рамките на своите универзитети, локални заедници или мрежи, со цел да ги сподели стекнатите знаења и да го поттикне анонимното пријавување на дигитални ризици.
- Фаза 3: Промоција и јавно застапување – Учество во финалната кампања за подигнување на јавната свест и презентација на резултатите од Дигиталната мапа на ризици пред клучните чинители на завршниот настан на проектот.
👤 Кој може да се пријави?
Бараме мотивација, ентузијазам и желба за социјална промена! Повикот е отворен за:
- Млади жени на возраст од 18 до 30 години (студентки, млади професионалки, активистки, новинарки или креаторки на содржини).
- Жителки на Република Северна Македонија (ги охрабруваме да се пријават девојки од сите региони, како и претставнички на ранливи и маргинализирани заедници).
- Силна мотивираност за прашањата поврзани со родовата еднаквост, човековите права и дигиталната безбедност.
- Подготвеност и посветеност да се поминат обуките и да се организираат локалните сесии за врсничка едукација. (Претходно техничко познавање од ИТ или сајбер безбедност НЕ е задолжително – обуката ќе ги покрие сите потребни вештини).
Што добиваш со учеството?
- Ексклузивно знаење: Специјализирана едукација и сертификат од Women4Cyber North Macedonia.
- Уникатни алатки: Спремен Дигитален безбедносен пакет (Digital Safety Toolkit) кој ќе можете трајно да го користите за обука.
- Вмрежување: Директно поврзување со национални и меѓународни мрежи за сајбер безбедност и граѓански активизам.
- Личен развој: Стекнување вештини за лидерство, јавно говорење, проектен менаџмент и дигитална софистицираност.
Како да се пријавиш?
Испрати кратка биографија (CV) и кратко мотивациско писмо (до 300 зборови или кратко видео до 1 минута) во кое ќе одговориш: „Зошто сакам да бидам Млада амбасадорка за дигитална безбедност и како можам да им помогнам на девојките во мојата средина да бидат побезбедни онлајн?“.
Апликациите се поднесуваат по електронски пат на: ljubica.pendaroska@women4cyber.mk со назнака „Апликација за Млада Амбасадорка за Дигитална Безбедност“.
⏱️ Рок за пријавување: Најдоцна до 10 јуни 2026 година. Повикот се затвора веднаш штом се избере соодветниот профил на 5-те финалистки во рамките на предвидениот рок до 15 јуни.
Биди промената што сакаш да ја видиш во дигиталниот свет! Аплицирај денес!
This activity is supported by the CIVICUS Digital Democracy Initiative (DDI).
#CIVICUS #DigitalDemocracyInitiative #MetamorphosisFoundation #TechSoup #DigitalActivismProgram #Women4CyberNorthMacedonia #Women4Cyber #WomenDigitalRiskMap #YouthDigitalSecurityAmbassadors
