Со големо задоволство ја информираме јавноста дека Women4Cyber North Macedonia официјално започнува со реализација на проектот „Women’s Digital Risk Map and Youth Cyber Ambassadors for Safe Digital Democracy“, поддржан со проект преку грантовата шема Digital Spark, дел од проектот Regional Support Mechanism EECA, имплементиран од Фондација Метаморфозис во партнерство со Техсуп, а како дел од поголемата иницијатива на CIVICUS – Digital Democracy Initiative.
Во секојдневната работа сè почесто се соочуваме со загрижувачки тренд на онлајн вознемирување, нарушување на приватноста и родово заснована дигитална злоупотреба. Овие ризици ги обесхрабруваат жените и девојките активно да учествуваат во дигиталниот граѓански простор, водејќи кон автоцензура и повлекување од јавниот дискурс. За жал, во нашата земја сè уште недостигаат локализирани, родово фокусирани податоци кои ја визуелизираат оваа проблематика.
Што ќе преземеме?
Во следните 6 месеци, преку овој проект ќе примениме дуален иновативен пристап:
- Дигитална мапа на ризици (Women’s Digital Risk Map): Ќе развиеме безбедна, анонимна дигитална платформа за собирање податоци за онлајн заканите со кои се соочуваат жените, кои потоа ќе бидат визуелизирани во јавно достапна интерактивна мапа.
- Млади Сајбер Амбасадори (Youth Digital Security Ambassadors): Ќе обучиме 5 амбасадорки за дигитална безбедност кои преку врсничка едукација ќе пренесат практични вештини и ќе го дистрибуираат нашиот специјално подготвен Дигитален безбедносен комплет (Digital Safety Toolkit).
Целта е јасна — да создадеме поинклузивна и побезбедна дигитална средина каде жените можат слободно и без страв да ги остваруваат своите права и да учествуваат во демократските процеси.
Упатуваме искрена благодарност до тимот на Metamorphosis и Digital Democracy Initiative за доделениот грант, препознавањето на важноста на оваа тема и поддршката во зајакнувањето на нашите капацитети.
Следете нè за повеќе информации околу отворениот повик за Млади Сајбер Амбасадори кој следува наскоро!
This activity is supported by the CIVICUS Digital Democracy Initiative (DDI)
#CIVICUSDigitalDemocracyInitiative #MetamorphosisFoundation #TechSoup #DigitalActivismProgram #Women4CyberNorthMacedonia #Women4Cyber #WomenDigitalRiskMap #YouthDigitalSecurityAmbassadors
